Euskal Parkea.com-ek idatzia, 2003/03/10ean

2001. urtean Demak nazioarteko lankidetzaren esparruan zabaldu zuen esku-hartzeko ildoari jarraituz, 2003. urtera begira, Honduraseko gizarte eta nekazaritza erakundeei laguntza tekniko eta profesionala emateko programa bat jarri da abian; hala, 10 bekadun tituludun Hondurasera joango dira, bertakoei enpresa garapenaren eta kudeaketaren alorrean laguntzera.

Esku-hartzeak 6 hileko iraupena izango du, 2003ko apiriletik urrira bitartean, eta, bekadunek, sei hil horietan zehar, 450 euro jasoko dituzte hilean.

Esku-hartze horretan parte hartu nahi duten gazteek Barakaldoko edo Bilboko DEMAko bulegoetan aurkez ditzakete eskaerak, martxoaren 10etik 24ra bitartean.

Informazio gehiago nahi izanez gero, deitu 944 18 90 55 telefonora. Arduraduna: Beatriz Morcillo.